希望大家唔好再內鬥、再一次團結起嚟
政府一直利用疫情嚟打壓我地自由，正式趁你病攞你命，而且手法強硬而直接
我地呢幾個月就好似綁手綁腳嘅人咁，任軍政府魚肉
所以，我地真係無任何分化嘅本錢
唔想再見到啲KOL 或 Youtuber 喺到互屌而成為大眾嘅娛樂花生話題
日本社運就係互鬥分化狀態底下，最終失去人民支持而一沉不起
六年前雨傘革命由10月開始互屌分化割席狀態底下，最終失敗告終
面對軍政府呢種極端武力唔對等情況下，我地如果唔再團結對外，我地就唔會能夠光復到香港
港台頭條新聞被打壓消失了
國安法又借勢殺埋黎
首次唔比你六四集會
國歌法下星期進入二讀了
面對惡法，大家係咪繼續互屌 分化呢
香港狀態已經好嚴峻
好多人同我一樣，能力有限，但希望做返自己能力所做到嘅事
中環和你Lunch，雖然人數聲勢無之前咁多人，但仍然堅持
有人繼續舉牌默站，希望大家繼續堅持五大訴求 缺一不可
仍然有人冒生命危險繼續快閃貼文宣
有人繼續唱歌叫口號
而我，自從上年六月到呢家，我一直都堅持繼續講政治
當大家仍然努力追求五大訴求 光復香港時侯
網上嘅人就不斷鬥黃 內鬥，你地對得住佢地咩？
你問我地呢啲行為有無用?
係，我地都懷疑有冇用，但我地都會繼續做落去
如果我地唔做，就再無第二把聲音持續落去
梁天琦講過
我地呢個社會如果要攞返我地應該有嘅權力，我地唔可以再教條主義，條條大路通羅馬，邊一個方式可以推返呢一個政府嘅，呢一個方式就應該要去做。
相信和平抗爭嘅人、相信公民抗命嘅人，繼續公民抗命。
相信佔馬路、相信絕食、相信罷交稅等等唔同和平手段嘅人，繼續去做——我鼓勵你地去做、我希望你地去做。
我唔希望你地因為有人批評你地嘅手段，結果就完全放棄你地相信嘅野。
同時間，相信勇武抗爭嘅人，一樣都要繼續做。
好多同路人近幾個月除咗面對政治打壓，好多生活上都受到經濟壓力
不論家庭 人際 經濟 情緒都面臨崩潰邊緣
但我地仍然於日常時間之中抽出空間去關心政治
我地仍然喺沉重經濟壓力底下仍然捐出金錢支援612
因為手足仍然需要我地支持
而我最大希望就係大家再次團結 齊心
所以
做返實事 唔好再分化 鬥黃 批鬥了
今日開始
香港人再一次受挑戰
真係的
別內鬥了
只有團結，先會戰勝一切
Search